In Sukhum a monument has been set up to Alexander Chachba (Shervashidze)



A monument to prominent Abkhazian artist, Prince Alexander Chachba-Shervashidze has been opened in the capital of the Republic. President Alexander Ankvab took part in the opening ceremony of the monument to the first professional Abkhazian artist. The monument was erected on the grave of Alexander Chachba. The author of the monument is sculptor Amiran Adleiba. Alexander Ankvab visited today an exhibition of personal belongings of Alexander Chachba, organized by the Abkhaz State Museum. Personal belongings of the artist were brought by his daughter Biana from Paris after his death in 1968 and donated to the Museum. In 1985, the remains of Alexander Chachba-Shervashidze were transported from France to his motherland and reburied in the Centre of the capital. The work on the monument was led by architect Tamara Lakrba and the sculptor Amiran Adleiba for several years. The monument was erected with financial support from the leadership of the Republic. Artists present at the opening ceremony of the monument, have expressed the wish to see Museum House of Alexander Chachba-Shervashidze is opened in Sukhum.

Раҧхьатәи аҧсуа сахьаҭыхҩы Александр Шервашиӡе-Чачба ибаҟа аартуп Аҟәа ақалақь аҟны

Аҧсны ҭауади-аамсҭеи рхылҵшьҭра, адунеиаҿы еицырдыруаз раҧхьатәи аҧсуа сахьаҭыхҩы Александр Чачба – Шервашиӡе ибаҟа аҭыҧ ылнахит аҳҭны-қалақь аҟны. Аҧсны Ахада Алеқсандр Анқәаб далахәын аҧсуа сахьаҭыхҩы ибаҟа аартра. Абаҟа ықәыргылоуп Александр Чачба анышә дахьамадоу аҭыҧ аҿы. Уи авторс дамоуп аскульптор Амиран Адлеиба. Алеқсандр Анқәаб иара убасгьы даҭааит Аҧсуа ҳәынҭқарратә музеи аҟны еиҿкаау Александр Чачба имаҭәақәа рцәыргақәҵа. Дара арахь иаалгеит иҧҳа Биана Парижнтәи, 1968 шықәсазы, лаб идунеи аниҧсах анаҩс. Ашьҭахь асахьаҭыхыҩ имаҭа Демосфен Заицев амаҭәақәа амузеи ҳамҭас иаиҭеит. Александр Константин-иҧа Шервашиӡе-Чачба ихьӡ змаҳац дыҟам. Раҧхьаӡатәи аҧсуа сахьаҭыхҩы, иара ихьӡ адҳәалоуп аҧсуа сахьаҭыхратә ҟазара аира. Аҿыханҵаҩ, аҟазараҭҵааҩы, асценограф, асахьаҭыхратә критик диит ақалақь Феодосиа, 1867 шықәсазы. Аҵара иҵон Киевтәи аҵараиурҭа аҟны, уаҟа ауп асахьаҭыхрагьы дахьалагаз. 1885 шықәсазы иҵара иациҵоит Париж. Сахьаҭыхҩык иаҳасабала ишьақәгылара абзоурахеит аурыс реалисттә сахьаҭыхратә школа, иара убасгьы Европатәи акультура аҭҵаара. 20-тәи ашәышықәсақәа ралагамҭазы, асценографс аус иуеит Петербургтәи аимператортә театрқәа рҟны. Аус рыциуан еицырдыруа аурыс сахьаҭыхыҩцәа рнаҩсгьы, европатәи асахьаҭыхыҩцәагьы. 20-тәи ашәышықәсақәа рзы иара ихьӡ ахыҵәоит адунеи зегьы. Иахьа Аҧснытәи аҳәынҭқарратә музеи аҿаҧхьа, асахьаҭыхҩы анышә дахьамадоу аҭыҧан иқәыргылан абаҟа. Иазгәаҭатәуп убасгьы, Азербаџьанаа раҧхьаӡатәи ргерб ҭызхыз Александр Шервашиӡе-Чачба шиакәыз. Абаҟа аргылара аҧшьган 2006 шықәсазы, уи аамҭа инаркны иахьа уажәраанӡа абаҟа аус адулара ахылаҧшра ду аман аиҳабыра рганахьала. Ас еиҧш иҟоу аҟаза ду имонументалтә баҟа аргылара даара акраҵанакуеит аҧсуа культуразы, иҳәеит абаҟа автор Амиран Адлеиба. Иҭабуп ҳәагьы реиҳәеит Аҧсны ахадареи, ацхыраара ҟазҵази зегьы. Александр Шеврашиӡе-Чачба 28 шықәса аус иуан Лондон ақалақь аҟны иаҧҵаз аурыс балет аҟны. Иҧсадгьыл дшацәыхаразгьы, уи ахаан ихашҭуамызт. Асахьаҭыхҩы иҧсҭазаара далҵуеит 101 ш. шихыҵуаз, 1968 шықәсазы. Усҟан анышә дамардоит Ницца ақалақь аҟны. Маи 12, 1985 шықәсазы ауп иҧсыбаҩ Аҧсныҟа ианааргаз. Асахьаҭыхҩы изкны ажәеинраала даҧхьеит апоет-аиҭагаҩ Денис Чачхалиа. Иахьа Александр Шервашиӡе-Чачба ихьӡ ахыуп аҳҭны-қалақь аҿы ахәыҷтәы-сахьаҭыхратә ҵараиурҭа, убасгьы Аҟәеи Гәдоуҭеи ақалақьқәа рымҩадуқәагьы. Абаҟа аартра ашьҭахь, еизаз ирыман алшара аҳәынҭқарратә музеи аҟны еиҿкааз асахьаҭыхҩы иусумҭақәа рцәыргақәҵа аҭаара.

Back to top