The Union of Writers of Abkhazia is 80 years old

Our Abkhazian writers first raised the question of creating a grouping to unite them in 1925. But it was only in 1933 that it became possible to decide the matter. It was then that the Union of Writers of Abkhazia became established. For 80 years the Union of Writers of Abkhazia has functioned without interruption.

Раҧхьаӡа акәны, ҳаҧсуа шәҟәыҩҩцәа 1925 шықшсазы иқәдыргылеит азҵаара еидызкылаша еиҿкаарак аҧҵаразы. Аха, уи аус аӡбара алыршахеит 1933 шықәсазы. Убасҟан иаҧҵан Аҧсны ашәҟәыҩҩцәа Реидгыла. 80 шықәса раахыс иааиҧмырҟьаӡакәа аус ауеит Аҧсны Ашәҟәыҩҩцәа Реидгыла. Еиуеиҧшым аамҭақәа рзы уи хантәаҩра азыруан ҳаҧсуа шәҟәыҩҩцәа, аҵарауаа: Хәыхәыт Бҕажәба, Леуарса Кәыҵниа, Гьаргь Гәыблиа, Иван Ҭарба, Баграт Шьынқәба, Мушьни Лашәриа, Алықьса Гогәуа, Борис Гәыргәлиа, Геннади Аламиа, Терент Ҷаниа уҳәа аӡәырҩы. Аҧсны ашәҟәыҩҩцәа Реидгыла еиҿкаауижьҭеи имаҷым аҧсуа шәҟәыҩҩцәа реилазаара иахҭнагахьоу, ашәҟәыҩҩцәа реидгыла еиуеиҧшым аамҭақәа рзы напхгара азҭоз ирхыргахьоу. Иахьа ашәҟәыҩҩцәа Реидгыла 80 шықәса ахыҵра азгәаҭара аламҭалаз ажәа сахьарк азҟазацәа ашәҭшьыҵәрақәа шьҭарҵеит Аҧсны Аџьынџьтәылатә еибашьраан иҭахаз аҧсадгьыл ахьчаҩцәа рбаҟа амҵан, иара убас аҧсуа сахьаркыратә литература ашьаҭаркҩы Дырмит Гәлиа ибаҟа иаҭааит. Ашәҟәыҩҩцәа Реидгылда ахантәаҩы Анзор Мықәба иҳәеит, ари ҳаҧсуа жәлар зегьы рзы ишныҳәа дуу. Аҧсны ашәҟәыҩҩцәа реидгыла аҿиарамҩа ишану арҵабыргуеит аидгыла иҭнажьуа агазеҭ “Аамҭа”, алитературатә журнал “Алашара”, ахәыҷтәы журнал “Амцабз”. Аҧсуа литература иара убас иаҵагылоит абиҧара ҿыцқәа. Иҭыҵуеит урҭ рҩымҭақәа еидызкыло аизга “Ашацкыра”. Ашәҟәыҩҩцәа Реидгыла 80 шықәса ахыҵра азгәаҭара иазкыз агәырҕьаратә еилатәара рхы аладырхәит Аҧсны аҳәынҭқарра Ахада Алеқсандр Анқәаб, аҳәынҭқарратәи ауаажәларратәи усзуҩцәа, Урыстәылеи Нхыҵ- Кавказтәи ареспубликақәа рышәҟәыҩҩцәа реидгылақәа рхаҭарнакцәа.

Back to top