A memorial plaque is open in the name of the Agwmaa brothers

When one crosses the northern bridge over the River Gumista in the Sukhum Region, a memorial plaque is open in the name of the Agwmaa brothers.

Аҧсны Жәлар рџьынџьтәылатә еибашьра анцоз фырхаҵарыла иҭахеит Руслан Агәмааи, Аза Гәымбеи рыхшара ҩыџьа. Иара убасгьы, аҧсадгьыл ахьчара ихы ақәиҵеит аишьцәа Леони Асҭамыри раб иашьа иҧа Ельмар Агәмаа. Аза Гәымбеи Руслан Агәмааи ҩыџьа рыхшара Леони Асҭамыри рыҧсадгьыл рхы ақәырҵеит. Аиҵбы Леон данҭаха ашьҭахь, лыҷкәын ишьа луырц еибашьра дцоит Аза Гәымба. Аибашьра аан иаалырҧшыз агәаҕьразы лара иланашьоуп "Агәымшәаразы" амедал. 16 ш. зхыҵуаз Леон Агәмаа дҭахоит 1992 шықәса декабр мзазы. Аҟәа ахақәиҭтәразы имҩаҧгаз ажәыларақәа раан иҧсадгьыл ихы ақәиҵоит Асҭамыр. Арҭ арҧарцәа раб иашьа иҧа Ельмар Виктор -- иҧа Агәмаа хабарда дыбжьаӡит марттәи ажәылараан Мраҭашәаратәи афронтаҿ. Аишьцәа Агәмаа раб иаҳәшьа, Аҧсны жәлар рартистка Софа Агәмаа иазгәалҭеит, аибашьраан фырхаҵарыла иҭахаз зегьы рҭаацәа ргәырҩа шеиҧшу. Иқәгылоз иазгәарҭон, аишьцәа Агәмаа рықәра шмаҷызгьы, аибашьраан рхы шыҧхьарымкыз. Дара рыхҩыкгьы еибашьуан Владимир Начач напхгара зиҭоз агәыҧ аҟны. Аишьцәа иаадырҧшыз агәымшәаразы, ианҭаха ашьҭахь, иранашьоуп аҳәынҭқарратә ҳамҭақәа. Леони Ельмари Агәмаа иранашьоуп Леон иорден, Асҭамыр ианашьоуп Агәымшәаразы амедал. Амемориалтә ҕәы ааиртит "Агәымшәаразы" амедал занашьоу, аишьцәа Агәмаа ирыцеибашьуаз Рудик Лолуа. Арҭ амшқәа рзы еиҳагьы ихадароуп иҳацәҭахаз ргәаларшәара. Хьӡи-ҧшеи рыгымзааит зыҧсадгьыл зхы ақәызҵаз афырхацәа.

Back to top