After refurbishment-works, the Viktor Argun Middle School No. 2 in Gudauta has opened its doors

The 1st Deputy Prime Minister, Indira Vardania, the Minister of Education, Daur Nach'q'ebia, and the Russian Ambassador to Abkhazia, Semën Gregorievich, travelled to congratulate the teachers and pupils on the day. Among the pupils there were 58 new starters, of whom 16 were children from Syria, temporarily resident in Gudauta.

Ари амш арҵаҩцәеи аҵаҩцәеи ирыдырныҳәаларц арахь имҩахыҵит Аҧсны Аҧыза-министр актәи ихаҭыҧуаҩ Индира Аҩардани аҵара аминистр Даур Наҷҟьебиеи, Аҧсны иҟоу Урыстәыла ацҳаражәҳәаҩ Семион Григориеви. Ашкол аартра иазкыз агәырҕьаратә ныҳәа алагара сааҭк шагыз, арахь ахәыҷқәеи урҭ ранацәеи рабацәеи ааира иалагахьан. Урҭ рхыҧхьаӡараҿы иҟоуп ари аҵараиурҭа ашҟа раҧхьаӡа зшьаҿа еихызгаз 58 ахәыҷқәагьы. Урҭ рахьтә 16-ҩык Сириантәи аамҭала Гәдоуҭа инхо ахәыҷқәа роуп. Иара аҩныҵҟа уыҩналаанӡагьы, уаҩы ибаратәы иҟоуп ари ашкол даараӡа хаҭабзиара ҳаракыла аремонт шазуу. Иуҳәар алшоит, уи ҿыц еиҭашьақәыргылоуп ҳәа. Ашкол аартра аофициалтә хәҭа иалагаанӡа, ашҭа иқәыҩҩуан агәырҕьаратә мелодиақәа. Иқәыҧраа икәашон ашкол аҵаҩцәа. Ашкол аиҭашьақәыргылараз аусурақәа мҩаҧнагон аргыларатә фирма “Феникс”. Ашкол аартра еизаз дрыдныҳәало дықәгылеит Аҧсны аҧыза-министр актәи ихаҭыҧуаҩ Индира Аҩардан. Ашкол аартра иазкыз аныҳәаҟны дықәгылеит Аҧсны иҟоу Урыстәыла ацҳаражәҳәаҩ Семион Григориев. Виктор Аргәын ихьӡ зхыу Гәдоуҭатәи абжьаратә школ аиҳабы Мери Тхагушева лықәгылараҟны иҭабуп ҳәа ралҳәеит, ари аҵараиурҭа абас хаҭабзиара ҳаракыла аремонт аҟаҵара зџьабаа аду зегьы. Анаҩсан, Аҧсны аҧыза-министр актәи ихаҭыҧуаҩ Индира Аҩардани Аҧсны иҟоу Урыстәыла ацҳаражәҳәаҩ Семион Григориеви ашкол шаарту азы шаҳаҭра азуа, ацаха ҟаҧшь ҧырҟеит. Аҵаҩцәагьы аџьџьаҳәа рыкласс уадақәа рышҟа иҩналеит. Иазгәаҳҭарц ҳҭахыуп, ари ашкол акласстә уадақәа реиҧш ацхыраагӡатә хықәкы змоу ауадақәеи шыҟаҵоу ҳаамҭазтәи астандартқәа ирықәшәо. Уахь иалаҵатәуп аҽеиҭакырҭатә уадақәа, аспорттә зал, акрыфарҭа акәзар, еиқәыршәоуп иҿыцӡоу афатәҟаҵарҭеи аӡҧхарҭатәи шьақәгылақәеи рыла. Шамахамзар, ас еиҧш иҟоу ахархәагақәа ҳашколқәа рҟны иахьа иуҧылом. Аӡымҩангагеи аӡыцрыҵқәа рцарҭеи ҟаҵоуп хаҭабзиара ҳаракыла. Иахьабалак иқәыргылоуп авидео хлаҧшра акамерақәа. Аҧсны Аҧыза-министр актәи ихаҭыҧуаҩ Индира Аҩардани Урыстәылатәи ацҳаражәҳәаҩ Семион Григориеви инеины ирыдныҳәалеит сынтәа раҧхьаӡа акәны ашкол ашҟа зшьаҿа еихызгаз ахәыҷқәа.

Back to top