Day of the disappeared

The 30 August was International Day of the Disappeared. The Republic held commemorative events to mark this day. In attendance were: Prime Minister Leonid Lakerbaja, First Deputy Prime Minister Indira Vardania, and relatives of the missing. During the Patriotic War of the people of Abkhazia more than two hundred people went (and remain) missing.

Ари арыцхә инамаданы, Аҟәа Ахьӡ-аҧша абаҳчаҿы игылоу иҭахаз аибашьцәа рбаҟа амҵан ашәҭқәа шьҭарҵеит. Иахьа убасгьы ареспублика ауахәамақәа рҟны Анцәа иҳәара мҩаҧган зыӡбахә ыҟамкәа ибжьаӡыз рыҧсы ҭынчзарц азы. Агәаларшәагатә усмҩаҧгатәқәа ирылахәын Аҧсны Аҧыза-министр Леонид Лакербаиа, аҧыза-министр актәи ихаҭыҧуаҩ Индира Аҩардан, Аҧсны анацәа рхеилак ахаҭарнакцәа, зхабар ыҟамкәа ибжьаӡыз рҭынхацәа. Зыхьӡи зыжәлеи шьақәыргылам, даҽакала иаҳҳәозар зхабар ыҟамкәа ибжьаӡыз анышә иамадоуп Аҟәатәи Ахьӡ-аҧша абаҳчаҿы. Иахьа араҟа игылоу аибашьцәа рбаҟа амҵан ашәҭқәа шьҭарҵеит Аҧсны аиҳабыра рхаҭарнакцәеи, анацәеи, аибашьра аветеранцәеи, зхабар ыҟамкәа ибжьаӡыз рхыҧхьаӡараҿ убасгьы имаҷҩым аибашьцәа реиҧш, абџьар зкымызгьы. Урҭ дыруаӡәкын аҧсуа поет Таиф Аџьба. Аҧсны Аџьынџьтәылатә еибашьраан хабарда ибжьаӡит 200-ҩык инареиҳаны. Аҳҭны-қалақь ақырҭуа қәылаҩцәа рҟынтәи ахы ианақәиҭыртә ашьҭахь идырым рыҧсыбаҩқәа анышә иамадан Аҟәатәи Ахьӡ-аҧша абаҳчаҿы. Урҭ рхаҭара ашьақәыргыларазы Аргентинантәи аӡбарҭа-медицинатә антропологиатә центр аусзуҩцәеи, Аҧснытәи аҳақьымцәеи аҧсыбаҩқәа анышә иҵхны анализқәа ҟарҵеит. Анализқәа дәықәҵоуп Загреб ақалақь алабораториахь. Хабарда ибжьаӡыз рымш иазкны Аҟәатәи акафедралтә уахәмаҿы имҩаҧган Анцәа имҵаныҳәара. Ауахәамахь иааит Аҧсны Аҧыза-министр Леонид Лакербаиа, иахьатәи амш хьааны изцу , макьана зыхшареи, зашьцәеи ахьыбжьаӡыз ззымдыруа аҭаацәа, аҭынхацәа. Аҧшьаҩцәа рныҳәараҿы Анцәа иҳәон иҭахази, хабарда ибжьаӡызи рыҧсқәа ҭынчзарц, зыҧсы ҭаны ӡәыр дыҟазар иаарласны ихабар ҟаларц.

Back to top