Night raid of traffic police | Аҳәынҭавтоинспекциа агәаҭарақәа

Traffic police officers of the Ministry of Internal Affairs of Abkhazia held a regular night raid in the capital of the Republic to identify violators of traffic rules. The raid also involved members of Parliament. First traffic officer checked the availability of the necessary documents and the contents of the trunk of a car, and then identified the status of the drivers through sobriety test. However, experienced traffic police officers can determine whether the driver has used alcohol judging by externals. During a night raid were identified vehicles without proper documents, as well as without national number plates. And there were also fans of fast driving. For such drivers law envisages a fine of three to six thousand rubles, or they have to retake a driving test.

Аҧсны амҩадуқәа рҟны иҟало амҩа-транспорттә машәырқәа рхыҧхьаӡара зегьы агәҭынчымра рызцәырнагоит. Имаҷым урҭ ирыхҟьаны, аҧсыҭбарақәа аныҟалогьы. Шьҭарнахыс, амҩаҿы аҧҟарақәа реилагаразы азакуан Жәлар реизараҿы аҧсахрақәа аналаргала, агәыҕра ыҟоуп амашәырқәа еиҳа еиҵахап ҳәа. Иаха Аҧсны аҳәынҭавтоинспекциа аусзуҩцәа апарламент адепутатцәа алархәны Аҟәа ареид мҩаҧыргеит. Амҩатә ҧҟарақәа еилазго рзы ахараҧса шьҭырхыижьҭеи, раҧхьаӡа акәны уахынлан имҩаҧысуан амҩаҿ ашәарҭадара агәаҭара. Иазгәаҭатәуп, уахынла аҧҟарақәа еилазго амашьына арныҟәцаҩцәа иаҳа ишыуҧыло ҳамҩадуқәа рҿы, ҽынла аасҭа. Аҳәынҭавтоинспекциа аусзуҩцәа игәарҭон амашьына арныҟцаҩцәа рыршаҳаҭгатә шәыҟәқәа, иара убас изланыҟәо амашьынақәа рҭагылазаашьа. Аҳәынҭавтоинспекциа аусзуҩцәа, убри аан, рхы иадырхәон амашьынарныҟәцаҩцәа арыжәтә џьбара ршьа иалоу иаламу зыршаҳаҭуа ахархәагақәа. Убас, иааныркылаз амашьынарныҟәцаҩцәа руаӡәык ижәны дыҟамызт, убри аҟынтә дгәаҭаны издырхынҳәит аршаҳаҭгагьы. Игәарҭоз амашьынарныҟәцаҩцәа рыбжьара имаҷмызт Аҧсны ашәҟәы иҭагалам, аҳәаанырцәтәи адыргақәа змоу, иара убас зынӡа адыргақәа змаӡамгьы. Аҳәынҭавтоинспекциа аусзуҩцәа уахынлатәи амҩадуқәа рҿы агәаҭаразы иааныркылоз амашьынарныҟәцаҩцәа рыбжьара иҟан иаанымгылакәа зҽызӡар зҭахызгьы. Урҭ ирыхьӡаны иааныркылон, анаҩсан инаргон аҳҭны-қалақь аҩныҵҟатәи аусқәа русбарҭахь. Амашьынаныҟәцара аҧҟарақәа еилазгоз рганахь ала ишьақәыргылан аҧкаанҵақәа. Амҩатә ҧҟарақәа еилазго рзы ахараҧса ахә анышьҭыхха инаркны, игәоуҭартә иҟоуп амашьынарныҟәцаҩцәа арыжәтә рҽацәырыхьчо ишалагаз, - иҳәеит аҳәынҭавтоинспектор Кьагәа Инаҧҳа. Дара ҳзыҿцәажәоз амашьынарныҟәцаҩцәа рхаҭақәа, азакуан аиҭакрақәа иаларгалаз иашоуп ҳәа ирыҧхьаӡоит. Ахараҧса ашьҭыхра алыҵшәақәа макьаназ иаразнак иубарҭамзаргьы, иаарласны уи ианыҧшран иҟоуп ҳтәыла амҩадуқәа рҿы ашәарҭадара аҭагылазаашьа зегьы. Аҟәа ақалақь аҿы ас еиҧш иҟоу агәаҭарақәа аҳәынҭавтоинспекциа егьырҭ араионтә инспекциақәа рыцхыраарала есыҽны имҩаҧнагоит. Егьырҭ араионқәа рҿы амҩаҿы ашәарҭадара аҭагылазаашьа агәаҭара мҩаҧысуеит мчыбжьык ахь хынтә. Ахараҧса ашьҭыхразы азакуан иалагалоу аҧҟарақәа рылҵшәа ҳнарбоит аамҭа. Аха, азакуан аус аурцаз аҧҟарақәа ирыкәныҟәатәуп.

Back to top